Para clausurar a Semana do Libro recibimos a Iria Aldegunde, historietista galega e autora da novela gráfica "Memorias dun neno labrego"
Iria chegou coma un melindre para adozarnos a tarde nun Papalibros Adulto, para dicirnos que se unha rapaza así tan nova coma ela conecta tan ben con esta novela é porque aborda custións universais: a soidade, a pobreza, a inxustiza... que poden afectar á infancia nun mundo de "grandes" que pode resultar hostil.
.jpg)
"Unha viaxe a través da literatura" é a frase que serviu de título para establecérmonos de novo coa radio na biblio e camiñar cun grupo de alumnado que ten neste asunto moito que dicir.
.jpg)
A nosa compañeira Paloma, conduciu unha conversa amena con alumn@s de Colombia, Venezuela, Marrocos para achegármonos á súa andaina lectora dentro e fóra das nosas fronteiras.
.jpg)
A nosa compañeira Sara foi a encargada de amenizar varios recreos desta Semana do Libro con fantasía de papel. Andoriñas para voar coa imaxinación flores combinadas con cada historia.
A Semana do Libro comezou traendo a radio para o espazo da biblio. O 22 de abril, en vésperas do Día do Libro, a nosa compañeira de Lingua Galega, Pilar Lado entrevistou a Moisés Barcia, tradutor e membro de Rinoceronte Editora, a primeira editorial especializada na publicación de obras para o galego.
Moisés aclarounos que iso de traducir é coma encher gavetas de matices e cores dunha lingua para outra e que a mellor tradución é sempre a que mostra máis fidelidade coa obra orixinal.e obras traducidas ao galego
Non penses nun elefante rosa é a novela que veu presentarnos Antía Yáñez. A autora falounos , coma a novela, sobre os estereotipos da saúde mental. Cun coñecemento do TOC de primeira man, Antía aborda cun sentido do humor extraordinario a historia de Aurora, unha moza á que todas/os quixemos acompañar e salvar.
Cunha prosa sensual detallada e belísima , Kawakami cóntanos unha historia de amor moi especial: el achegamento sutil dos amantes, con toda a súa íntima beleza, ternura e profundidade.
Seguindo a liña marcada desde Bibliotecas Escolares, no Papalibros Bexamín e Xuvenil dámos comezo á lectura en formato de cómic:
Nunha sesión amena e distendida o alumnado fixo un xogo de adiviñanzas para unir cada texto coa súa imaxe. Traballamos co álbum ilustrado, "A lavandeira de San simón", de Eva Mejuto; "El azul es un color cálido", de Julie Maroh; con "Arrugas", de Paco Roca e "O lirio branco"(Astérix), de Goscinny.
.jpg)
.jpg)
O Papalibros Adulto segue a andaina do outono coa lectura de "Manual de mujeres de la limpieza" de Lucia Berlin
A través dos seus relatos camiñamos coa protagonista cara aun mundo de seres marxinados presentados nunha prosa deliciosa, nesta novela autobiográfica.
Comentamos no noso petisqueo o humor e a melancolía con que Lucia Berlin describe ás mulleres dos seus relatos: desorientadas, convulsionadas, que rin choran beben e,,,sobreviven.
Chin, Chin!!!
VISITA DE MARIA SOLAR
Onte no Papalibros Adulto estreamos curso con María Solar e "A culpa". María entrou coma unha rebanda de sol na biblioteca e gobernou a mesa con tanta dozura que case esquecemos os biscoitos.
Veu para dicirnos que, con frecuencia, son sutís as fórmulas que nos indican ás mulleres onde está a nosa mera de culpa . E tamén de atranco, claro. Pero tamén veu para confirmarnos que a vida dunha escritora é así a dunha muller calquera, coma unha nai, coma unha filla, que vive e traballa por fóra da novela malia que ás veces deba pararse de camiño con algún personaxe.
Hoxe abrimos as portas da biblio. Todas. Deixamos entrar o outono descalzo. E cando saímos a lúa estaba tan baixa coma unha mazá.
A culpa foi de María Solar.
LA RIDÍCULA IDEA DE NO VOLVER A VERTE, ROSA MONTERO
Este foi o último título deste curso no Papalibros Adulto. Con el camiñamos da man de Rosa Montero para coñecer máis de perto a figura de Marie Curie e os atrancos que atopou para demostrar o seu talento como científica.
Neste ensaio narrativo descubrimos a unha Marie apaixonada e a unha Rosa Montero que afonda no dó e na perda dos seres queridos. Porque a verdadeira dor é impronunciable. Por iso a literatura é un bálsamo para atravesar as pontes das que non pode falarse. Pero si pode escribirse. Como fixo Marie. Como fixo Rosa.
Pero esta vez ademais o Papalibros saíu da biblioteca escolar para celebrar a fin de festa na compañía de Xiao Berlai, músico, poeta e debuxante, que nos serviu unha tarde deliciosa.
decorada cos marcafollas artesanais de Inma e o corazón agradecido desta
coordinadora.
Feliz verán!
