Continuamos coa sesión do obradoiro de cómic, novamente xuntamos os dous clubs para poder debuxar o noso manga en conxunto.
Despois das indicacións que nos deron Jesús e Bryant a semana pasada sobre a novela gráfica, nesta sesión puxémonos máns á obra e deixamos fluír o maxín dando lugar a novas creacións...
A pensión Eva, de Andrea Camilleri, é una obra na que o humor e o escenario da Segunda Guera Mundial en Italia van collidos da man. O mundo da prostitución enfócase desde unha perspectiva humana; a pensión é un lugar máis no que as persoas da vila van como lugar de ocio.
Nesta sesión do club de lectura de adultos analizamos a obra desde as distintas perspectivas. Destacamos, por exemplo, o personaxe de Nené, quen desexaba ter 18 anos para poder ir á pensión Eva e, sen querer, acaba facéndoos rodeado da destrución que trae consigo o conflito bélico.
Onte tivemos unha sesión do club de lectura alevín e infantil moi especial. Falamos da novela gráfica, viñeron Jesús, alumno de 2º de Bacharelato e Bryant, alumno da ESA, a contarnos moitas curiosidades deste tipo de literatura aínda descoñecida para moito alumnado. Ademais ensináronnos os debuxos que eles mesmos fan, ¡son todos uns arrtistas!
Esta sesión foi un pouco máis teórica, pero serviunos de antesala para a seguinte semana na que faremos un obradoiro de cómic e nos poñeremos todos e todas a debuxar.
Onte tivemos outra sesión do Club de persoas adultas para comentar as nosas impresións sobre Canción dulce de Leila Slimani. A cuestión racial, a emigración na cidade de París, a desigualdade económica… son temas presentes na obra. Unha coidadora de bebés comete un atroz crime con estes nenos, desenlace que coñecemos na primeira páxina. Ao longo da novela vanse poñendo de manifesto situación vitais extremas que levan consigo un punto de desesperación e, quizais, loucura.
Estes meses no Club estamos a darlle importancia á lectura manga que cada vez está máis de moda entre o noso alumnado. Ademais, a conmemoración do Día da Ilustración do mes pasado e do Día do Cómic que celebraremos en marzo, fíxosnos mercar novidades para ter nos nosos andeis e para preparar a actividade da seguinte sesión. Deixamos por aquí os novos exemplares para abrir boca...
Na primeira sesión do ano adicámoslle o tempo á obra Stoner, de John Williams. Puxemos en común os nosos pensamentos sobre o Stoner profesor de facultade, o seu ámbito puramente laboral, mais tamén reparamos no seu ámbito familiar. A súa filla convértese, en ocasións, nun ser sen identidade propia e a súa muller chega a ser a súa maior inimiga. Con todo, o amor aparece na súa vida por medio dunha amante. A vida de Stoner contextualízase en distintos lugares e épocas, énchese de seres que flutúan ao seu redor e cos que obtén menor ou maior fortuna. Unha historia marabillosa na que a compaixón, o desconcerto, a ansia... van cobrando sentido co avance das páxinas.
Para comezar o ano con bo pé escollimos de lectura para o Club do alumnado dous cómics. Onte celebramos o Club de lectura dos benxamíns que leron Tam, de Anémona de Río. Gustoulles moito e falamos dun montón de estereoptipos sociais cos que teñen que convivir as rapazas adolescentes. Ademais, nalgúns casos foi o primeiro contacto co cómic en galego. Falamos da forma en que se le este tipos de libros e collimos outros exemplares na biblioteca desde xénero para poder facer comparacións.
Hoxe tivemos o Club dos alevíns no que lemos Heartstopper, o primeiro libro dunha saga de novela gráfica xuvenil que foi traducida ao galego. Debatemos sobre un montón de cousas e comezamos tamén a ver a adaptación cinematográfica da serie que continuaremos vendo noutros días.
Escollimos unha novela gráfica nos dous clubs para poder conmemorar o Día da Ilustración que se celebra hoxe, xoves 30 de xaneiro de 2015, adicado a Xosé Vizoso. Ademais, foi unha pequena introdución para sesións posteriores que traballaremos con este xénero literario que ten tanto éxito entre os lectores novos.
Para pechar o ano no Club de Lectura fixemos unha sesión de cine na biblioteca. Desta vez o alumnado de 1º e 2º de ESO tivo como lectura O neno do pixama de raias de John Boyne.
Foi o último mércores antes das vacacións de Nadal, xa tiñamos gañas de descansar despois de tantos exames así que nos xuntamos ao mediodía na biblioteca e xantamos todas xuntas vendo a adaptación cinematográfica do libro que nos tocara ler esta vez. Vendo a película choramos e rimos, pero o mellor estaba por chegar.
Cando acabamos de vela compartimos as nosas impresións comparando o libro coa adpatación, ¿que nos gustou máis? ¿É fiel a película ao libro? ¿O final é o memo? Estas e moitas outras cuestións foron motivo de debate durante un bo rato. Ademais convidamos ao alumnado de 3º e 4º de ESO para que compartisen con nós tamén as súas ideas.
Pero iso non foi todo!
Para rematar o ano tivemos de postre panettone de chocolate e, ¡fixemos as badaladas de fin de ano con conguitos! Un doce final de ano para o noso Papalibros.
O Club Papalibros Adulto reuniuse esta semana para falar da lectura de Kitchen de Banana Yoshimoto, unha novela moi xaponesa que explora sentimentos como a amizade, a perda, a soidade ou a resilencia, cun estilo poético e coidado. Falamos do diferente xeito que temos os occidentais de vivir neses lados da vida e, por suposto, entramos ata a cociña.
A seguinte lectura do Club para os alevíns foi Un elefante na sala de estar de Berta Dávila. Esta lectura tivo moito aquel, "moita chicha" ou "moita tea que cortar". Tratamos temas como o acoso infantil, a homosexualidade, a psicoloxía, as tradicións, o loito, o suicidio, a amizade, as relacións de parella, un sinfín de cousas de todos os días nas que non nos paramos a reflexionar.
En Papalibros non queremos deixar de expresar a nosa repulsa contra a violencia de xénero e recordar que hai moitos libros que tratan este tema dun xeito adaptado ao alumnado.
Tivemos unha sesión moi especial para conmemorar o 25N. Tomamos como punto de partida a lectura de varios fragmentos do libro Eso no es amor de Marina Marroquí que nos fixeron reflexionar con cuestións como a "espiral da violencia de xénero" onde moitas rapazas se ven envoltas sen darse conta.
Fixemos tamén un test sacado deste mesmo libro que nos fixo reflexionar se de nenos e nenas viviamos nun mundo de contos no que as princesas son salvadas sempre polo príncipe en vez de salvarse elas soas; as respostas foron bastante satisfactorias.
Despois de quedar satisfeitas coas nosas reflexións visionamos unha performance sobre a "Escaleira machista" que elaborou o alumnado de 4º ESO-A, o que nos deu paso de novo a un debate que pon en tela de xuízo o "amor romántico" no que cre vivir o alumnado.
Para rematar esta sesión tan especial, fixemos a lectura de varios poemas escritos por mulleres poetas que loitan contra esta lacra social coas súas verbas. Trala súa lectura fixemos un obradoiro de poesía no que creamos de maneira conxunta un poema que rechaza claramente a violencia que están a sufrir moitas mulleres e que leva por título "Rompe os espellos".
